F 
Diz der haut doch zwa Gäula droh, 
Döi Reiterei is fei! 
Der reit't as aner Wörthschaft raus 
Und in die ander' nei. 
Mei Nachber reit't an stark'n Gaul, 
Den haß'n s' Politik, 
Der wenn amaul verreck'n thäit', 
Wär's für die Wölt a Glück. 
Der Bismarck und der Richter ah, 
Wenn döi wos sog'n thenna, 
Is Alles nix, wall er ganz g'wieß 
Dös G'schäft thout besser kenna. 
No Ani, döi sen ganz derpicht, 
Wenn's ner an Lärma git, 
Döi reit'n aff Trumpeit'na rum, 
Dau reitet ih nit mit, 
Denn dös is g'fährli und nit leicht, 
Wenn mer glei reit't zo Vört, 
Wall g'wöhnli Aner is derbei, 
Der wou rohg'schmiss'n wörd. 
No Ah, döi kenn' i, reit'n stad, 
Döi reit'n ner an Ponny, 
Döi samm'ln Mark'n vo die Bröif, 
Dös haut mer sunst könnt noni.