— 
— 
* 
244 — 
Su a Herr ban Eiquatier'n, 
Möcht' ka solcher ah nit sei; 
Oh ließ' i mi wuhl nit schmier'n, 
Tröckt jo su genoug scho ei. 
Wenn die Leut' su bitt'n thöt'n, 
Schreia um ihr bißla Woar, 
Dau ließ' i mi glei derböt'n, 
Und von junga Weibern goar! 
Ba mir steiht der Fried des Herrn 
Aff mein Löff'l, wou i eß'. 
Denn i möcht' halt goar nit gern, 
Daß i den schöin Spruch vergeß': 
Wer amaul ba mir is g'wös'n, 
Wou mer ner hieschreib'n koh, 
Ueberol dau koh mer's lös'n, 
Steiht der Fried des Herr'n droh. 
Drum will i döi Herr'n lub'n, 
Döi Koraschi hob'n g'noug. 
Dös is von der Vursicht drub'n 
Scho su g'schrieb'n in den Bouch: 
Der soll si durch That'n schwinga 
Und in Eih'rn ub'n stöih. 
Ih verlang's nit weiter z'bringa, 
Ner in Fried'n rummergöih.