55
Und dürst sie's, schwimmt a Wallfisch her,
Und thout sein Bug'n blaus'n, —
Der Moh hält's Käppla unter g'schwind,
Und thout's vuhl lahf'n lauss'n,
Er trinkt: „„Frau! dös is Loagerböi'r, —
„„Dau trink, Meinahd, öiz mahn ih schöi'r,
„„Es thout es nix meih'r föhl'n.““
Und su wird halt die Wasserfoarth
Scho vöier Wochen lang,
Der Jupiter sagt: „Horch, Merkur,
„Es wird mer doch fast bang,
„Die Erden z'wahchet mer dau noh,
„Ih häit nau ner die Möih dervoh,
„Und dürft a neua mach'n.“
„Waßt wos? Geih nunter zon Neptun,
„Er soll die Flüß hamschick'n,
„Döoi Fliegel hoben g'lärmt genoug,
„Oiz sollen se sih drück'n.
„Der Himm'l zbigt döi Näss'n oh,
„Ih kröig kan truckna Fouß, und koh
„Vor Houst'n nimmer bleib'n.“
Knapp haut der Neptun den Befehl,
Su läßt er Rückzug blaus'n,
Und alli Wasser möiss'n ham,
Die klahn als wie die grauß'n;