„„Zon Trinken göbet's Wasser gnous, 
„„Mer b'hilft sih halt, und statt'n Kroug 
„„Dau trink'n mer as mein Käppla.““ 
„„Allah das Ess'n, — dau strahfts oh, 
„„Mih hungert's wöi an Bär'n, 
„„Und dih g'wieß ah, ih siech der's oh, 
„„Du höäist dein Kaffee gehrn; 
„„Ih wollt du häist'n, und dernau 
„„Wollt ih, ih häit an Brohntwei dau 
„„Und a Poar Sechser-Lahbla.““ 
Mit ahmaul schwimma umma Schölch 
A Hahft'n Karpf'n her, — 
Scho bachen, gelb als wöi a Guhld, 
Su anderthalb Pfund schwer: 
„„Lang zou, Frau, thous' in Schölich rei! 
„A„Ih glahb, es wird heunt Freita sei, 
„„D'rum kröig'n mer Fast'nspeis'n.““ 
In andern Tog, dau stellen sih 
Goar brautni Tahb'n ei, 
Döi flöig'n über'n Schölich weck, — 
A Dutzet fallen nei; 
Und schneidt mer su a Täubla af, 
Su findt mer goar noh uhb'n draf 
In Bauch a Kreuzer⸗Spöila.