24
„Haut er denn suh a Kietn?“ „Hans!“
Su schreia d'rinn die Bauern,
„Geih rei und trink dei Böier aus,
„Dös thout jo ganz versauern! —
„Geih ahner naus und huhl er'n rei,
„Es wird a su gleih zwölfa sei;
„Macht, daß mer weiter kumma.“
Der Bauer sagt: „„Oiz mouß ih nei,
„„Döi göb'n scho kan Fried'n; —
„„Sie genga bald, nau könna mer
„„Scho meiher drühber ried'n.
„„Es waß ka and'rer nix dervoh,
„„Ihn kenn ih als an broav'n Moh,
„„D'rum möcht ihs' ihn verginna.““
Der Goldschmied denkt, den halt ih fest,
Die andern könna lahf'n.
Es soll mih a Poar Gild'n kost'n
Das Fress'n und das Sahf'n, —
Dös bringt döi Kiet'n wieder ei.
„Du, Wirth, bring zwou Boutellen Wei
„Und ah a Schweinesbrötla.“
„Er, lbiber Moh, is heunt mei Gast,
„Es is mei Nomestog;
„Das Vöier weck, diz kummt a Wei!
„Ga, sicht er, wöi ih sog,
„Er glahbt's nit, wos ih af ihn halt, ...