— 108 — 
„„Dös thennes',““ schreia d'Bauern z'samm, — 
„„Herr Pfarrer, thennes' schreib'n, 
„„Mir unterschreib'n ihren Bröif, — 
„„Su kohn's amaul nit bleib'n.““ 
„„Denn ba an neua Kircha⸗Löid, 
„„Wöi wollt'n mir dau singa? 
„„Dau möißt sih jeder g'wieß a Löicht 
„„Mit in die Köring bringa?““ 
Der Pfarrer macht a gleih sein B'richt 
On Herren Präsident'n, 
Und bitt't, die Excellenz möcht halt 
Die Sach zon Best'n wend'n. 
„In meiner vuhri'n Köring senn,“ — 
Schreibt er, — „zwölf Fenster g'wös'n; 
„In dera senn ner zwah, es koh 
„Ka Mensch kan Text nit lös'n.“ 
Die Antwort laut't: „Mer merk'n's scho, — 
„Die Kanzel haut ka Löicht; 
„„Drum wer su näihti Fenster braucht, 
„Sög, wau er ahni kröigt.“ 
„„Daß Ihr kan Text nit lös'n könnt, 
„„Dös glahb'n Mer herzlih gern, — 
„On jüngst'n Tog wird Euch amaul 
„Der Text scho g'lös'n wär'n.“