102
„„Dau hob ih scho ihr Handschrift g'hat,
„„Und is die Zeit verfloss'n,
„„Su bin ih kumma, und hohs' g'hult,
„„Dös haut gvoar kan verdross'n;
„„Oiz fluch'ns', spielens' ärger noh,
„„Kah ahnzi'er denkt meiher droh,
„„Daß könnt an Teuf'l göb'n.““
„„Die mahnst'n hoben an der Brust
„„Wos on an Bändla henk'n,
„„Dös wenn ih siech, nauh thou ih ahn
„„Das Teufelhuhl'n schenk'n;
„„Und grod die Bäisten trog'n ahns,
„„Die Tappet'n, döi hob'n kahns,
„„Döi senn mer ah schö z'wieder.““
„„Korzum, su lang ih Teufel bin,
„„Waß ih ka sotta Zeit:
„„Die Höll raucht aus, ih hahz goar niet, —
„„Es git jo kani Leut.
„„Es fröiert mih wuhl in die Händ,
„„Allah mei Woldhuhlz is verbrennt,
„„Die Kuhl'n senn mer z'theuer.““
„„Und wos is on der Theuring Schuld?
„„Die Dampfmaschiena, Brouder;
„„Dau braucht mer Kuhl'n, 's is a Sünd, —
„„In Tog viel hundert Fouder,