7 
Die Lache. 
Grod is a Sunnastroahl nei g'fall'n 
Dau in doi Lach'n, wou ih steih, 
Und mir is gleih an Eifall kumma, 
Wöi ih hob g'reckt mein Kupf in d'Häih. 
Wenn mog die Sunna in a Lach'n 
Nei scheina und der Mond, die Stern; 
Nau schaut doch g'wibß der Herr von Himm'l 
Nei in die Mensch'nseil ah gern. 
Denn doi is selber oft a Lach'n, 
Vur lauter Föhlern pudeltröib; 
Er möcht's su gern recht saber mach'n, 
Er haut jo ah die Bäis'n löib. 
Die Sunna will die Lach'n truckna, 
Der Herr will fög'n unser G'möith, 
Su hob ih denkt, und goar nir weiter, 
Und bin nau fort mit den klan Löid.