— 156 —
Besser einen Rausch als ein Fieber.
A Schoustermaster in ra Stoadt,
Ih will 'n Stahla nenna,
Ner, doß er doch an Noma haut,
Mer braucht 'n g'rod' nit z'kenna,
Der haut oft mancha löiba Noacht
In Bachus a sei Opfer broacht,
Mer sicht 's on seiner Nos'n.
Der is' öitz mit sein eig'na Suh,
8' Noachts in a Werthshaus ganga,
Der Apf'l fällt nit weit von Stamm,
Mer kohna leicht derlanga.
Dort git 's nu an oalt's Böier g'rod',
D'rum pich'sn s' dau halt recht komod'
A Seidla um dös ander'.
In Sprichwort hast 's: Wenn d'Mauß vull is,
Thout 's Mehl nau bitter schmeck'n.
Suh geiht 's ba den zwöi Herr'n ah.
ODacht Mäißla wer'n nit gleck'n,
Wos döi dort in ra korz'n Zeit
Zamm trunk'n hob'n dau zo zweit,
Nau hob'n s's räsonöiert.
In Alt'n woar es Böier z'dünn,
Der Jung sagt: Es is' sauer! —
Und zöigt sei Leppern bis on Boart,
Als wöi der Ach'lbauer.
Er schleicht si nau ganz still dervoh
Und in an ander's Werthshaus noh,
In Voater läßt er hock'n.