— 135 —
Mer koh bis nauch Amerika
Mit Pengetzschöllig foahr'n.
r
J
Veränderunga gibts öitz viel,
Mit sammt den schlecht'n Zeit'n
Die Bauwouth is' des Stekkapfer,
Wou öitz die Leut draf reit'n.
Denn geiht mer in a Gaß'n ner
Ih thou mih niht vexöier'n,
So sicht mer fast a jedes Haus
Hitz Gothisch ausstafföiern.
uoug
Mei Vetter haut an Saustall baut,
Den läßt er Gothisch moal'n,
Und mouß drei Neunadreißkerla
Für Moahlerlouh bezaahl'n.
A Rutschboah und an' Eisenboah,
S' senn ah scho alti Sach'n,
Hitz woll'ns auf d' alt Vest'n naf
A Flugmaschina mach'n.
Dau genga von an Luftballoh,
A Massa Hauck'n runter,
Dau henkt mer mit der Hussaschnall'n.
Sih hin ganz frisch und munter.
Draf gitt's an' an klan Schlenkerer,
Dann hockst D', es is' bewies'n,
Wenn nit dei Husaschnall'n reißt,
Ba Zerndorf af der Wies'n.
J
4.
Mih gäiht wuhl döi ganz G'schicht nix oh,
Ih thou ner dervo ried'n,
Wenn's jedes ner suh föihert naus
Nau bin ih herzli z'fried'n.