Der haut a Herz für unser Sach',
Der mouß in Magistraut.
Der, den dös ohgeiht, denkt ganz leid,
Es is doch schöi die Wölt,
Dau hob' i öiz an Schüb'l Freund',
Hob' i gleiwuhl ka Göld.
Bis öiz hob' i an Anzin g'hat,
Aff den woar a Verlauß,
Und selber döi gout Freundschaft, häier,
Haut manchsmaul kröigt an Stauß.
Dös Löb'n is zwoar bald verbei,
Döi gout'n Freund', döi sög'n,
Daß der, den wou s' su g'feiert hob'n,
Ka Göld haut, öiz is g'schög'n.
Aff amaul is er nimmer g'scheit,
Wou soll's denn kumma her.
Der dummst' Ochs, haut er ner a Göld,
Is g'scheiter als wöi er.
Und Aner nauch'n Andern zbigt
Si ganz verstuhlets weck,
A Jeder mant, dös merkt er nit,
Ihn kümmert dös an D. sck.
Er haut scho z'vur die Mensch'n kennt,
Und macht si nit viel d'raus,
Angouter Freund bleit doch ba ihn,
Den bringt ka Mensch nit naus.