X
Zwahundert Gülda göb i her
Und nit an anzin Batz'n meih'r
No öiza geiht es Hand'ln oh
Su eifri, als mer's denk'n koh.
Der Antiquoar git langsam nauch
Und hält's öiz nimmer goar su houch,
Und ah der Ander' krabb'tlt schöi
Mit seini But langsam in d' Häih'.
No endli kumma s' doch no z'samm,
Der tröckt sei „Tog a Nacht“ öiz hamm,
Er haut fünfhundert Gülda zohlt,
Um dös Göld häit i meih'r g'moalt.
Der Antiquoar, der lacht vur Freud'
Und denkt, 's git doch no — gouti Leut'.
Der Zwölfer haut si gout rentöiert,
Drum ner ban Hand'ln nit schenöiert.
Wer heunt a Hand'lschaft fängt oh,
Der wou nit orndli b'schmollern koh,
Und wenn er goar a G'iwiss'n haut.
Der is scho eih' er ohfängt, taudt.