III
Kummt er nau as fremdi Stoat'n
Hamm nau wider as der Ferm',
Nau mouß er zo die Soldoat'n,
Af drei Jauher in d' Kasern'.
Und bekannt a Honigleckn
Is dös nit, wos Ahn dort g'schicht;
Dau haßts: „Kerll glei solltst v'reck'n
„Damisch, dumm's Rekrut'ng'sichtl!“ —
Stöih und Cahf'n mouß er lerna,
Wider wöi a klahna Bou;
's Schend'n derf n nit derzärna,
Ganz ung'häiert mouß er thou!
Mit kahn Aug' därf er dau zuck'n,
Därf nir sog'n, der armi Schlack,
Mouß er dreimoal ah ausruck'n
Alli Stund' mit Sack-a-Pack! —
Seun drei Jauher nau vorüber,
Und er is nu nit ganz hi,
Tritt in die Reserv' er über
Vo der Ferienkolonnie. —
Oeitz haßt 's halmi si derhutz'n,
Daß er wos verdsina thout:
Hout vo Klader nit an Stutz'n,
Nit ahmoal an g'scheidt'n Hout!