—105 
Und wöi s' su jubeln kreuz und quer, 
Denn ihr Humor is grauß, 
Dau kummt a Kapuziner her 
Su aß 'ra Seitenstrauß. 
Uahm hob'n s' den mit der UKutt'n g'sög'n, 
Su schreia s'en' ah glei entgeg'n: 
„Gröiß Gott o Komiltona!“ 
Sie drück'n ihn die Händ' all' fest 
Und stell'n si um ihn rumm, 
Wall's is a alter Schoulfreund g'west 
Nu von Gymnasium. 
Er schlöißt si ah glei oh der Cour 
Und gaudeamus igitur 
Dös louß'n s' öitz ertöna. 
Su thenna s' af der Landstrauß göih, 
Dau sog'n s' öitz af an Föld 
An Pflug dort mit zwa Ochsen stöih, 
Doch hout der Bauer g'föhlt; 
In Wörthshaus, weg' a Vört'lstund, 
In nächst'n Durf, dau läßt er g'sund, 
Sei Fröihstück si grod schmeck'n. 
Drum sicht der döi Student'n nit, 
Wöi s' hob'n von Pflug ausg'spannt 
An Ochs'n, und den nehma s' miet,