89 — 
„Und der werd' außern richtig'n Couh 
„Nu Allers Gouts zougsteckt! 
„Doch mouß mer mit su hamli thou, 
„Daß jo ka Mensch entdeckt! — 
„A jeder Bauerknecht der koh 
„Schöi plaudern mit sein Schatzl — 
„Mir Pfarrer senn recht üb'l droh, 
„Drum hrauch'n mer an Ersatzl!“ — 
Der Müßner waß scho längst ganz g'nau 
Wos si der Pfarrer denkt 
Und hout ahmoal, wöis paßt hout schlau, 
Oes Gspräch a su draf glenkt: 
„Ih waß su vielleicht zeha Stund 
„An Moh von höi entfernt, 
„Der hout scho manch'n gscheidt'n Hund 
„Ganz schöi ös Plaudern g'lernt! — 
„Herr Pfarrer! und ihr Caro grod 
„Der thät si dumm nit stelln! 
„Für den wärs wärkli eiwi schod, 
„Möißt lebnslang er blous belln! 
„Mer sicht, daß selber lad ihn thout, 
„Daß er nit ried'n koh; 
„Deßdweg'n Herr Pfarrer, senns su gout 
„Und wendn'se doch wos droh!“ —