12 —
Das neue nürnbergische Gesangbuch.
*
Dos is wauh'r, mir Nörnberger.
Mir senn öiza röchti Leut',
Drauß'n wörd mer von es ried'n.
In 'ra ganz'n korz'n Zeit,
Hob'n mir es röcht verändert;
Unser ganza Sach'n steiht,
Wöi's ba grauß'n Potentat'n
Und in ihr'n Ländern geiht.
Herr, dau sicht mer, wos dös thout,
Wenn mer si von ub'n rei,
— Wöi ba uns, sollt' Aner sog'n, —
Läßt a Sach ohg'lög'n sei:
G'sang- und Beicht- und Priedi-Böicher,
Alles is verändert wur'n.
Mir is's röcht, allah mei alta
Schwieger haut an Fetz'n-Zurn,
Daß in neua G'sangbouch, glab' i
Kani Löider aff die Fest'
Stenna und mer ihri alt'n
Hiza nimmer singa läßt.
Wart', wos is ner dös für ans,
Des s' su gern g'sunga haut,
's is a su a ganz apartis, —
Lau mi b'sinna, — niet von Taud,
Wenn i ner a G'sangbouch häit'!
Söißigkeit, von Leib befeucht'n, —
Schöini Fraua, — Balsam, — Blümla, —
Wöi die Diamant'n leucht'n, —
Bräutigam und Hirt und König —