——8
*
—
—
—*
*
26 —
Kranzherr.
No, i manet' doch asu, 's Böier, dös passöiert!
Meister R.
Horch' er, ried' er nit su dumm, wenn er si veröiert.
Er, als Kronzherr, freili sollt' um asu wos ried'n;
Wenn der Wierth sei Dross'l schmiert, nau is er scho z'fried'n.
Kranzherr.
Haut er's Herz, sagt's no amaul, dös von Dross'lschmier'n!
Meister R.
No, wos wörd's denn sei dernau? Er wörd mer's verwiehr'n?
Mant er g'wieß, nau förcht' i mi?
Meister M.
Willst'n eppet schlog'n?
Kranzherr.
Und wos geiht's denn dih nau oh?
Meister M.
Wollt' der's nau scho sog'n.
Meister S.
Stoff'l, schweig! Wos haust' denn dau? Thöt't awal öiz streit'n;
Sed su g'scheiti Männer sunst, schämtich vur'n Leut'n!
Setztich her und trinkt amaul aff a gout's Vernehma;
Is heunt All's su ani g'wöst! Rouht, ihr sollt'tich schäma!
Meister G.
Ober siech döi Wörthschaft oh, heunt wörd's saber wer'n!
Brouder, wos i hob' verziehrt, zohl' i herzli gern;
Hob' asu fünf Mäißla g'hat, oder goar ner pöier;
Fraug' i, wos i schuldi bin, sagt er: neu Mauß Böier.
Meister S.
Narr, der Wierth koh nix derfür, dös thout ner sei Keller; —
Zohlst'n halt, wos d' schuldi bist; sunst, mei Seil! kan Heller.