—
— 128 —
Is no ka Feuer g'schürt,
Und soll scho woarm sei.
M.
So hob'n S' ner Geduld,
Denn flöig'n kon i niet;
J bring' doch fröih von Bett
Nit glei a Feuer miet.
Fr.
Su wos, dös g'fiel mer no,
Wenn ihr des Maul glei braucht,
A su a Mensch, wöi ihr,
Döi fast zo goar nix taugt.
Dös thöt mer no amaul,
Nau ober, dau gebt Acht,
Ob nit an Aendering
Glei aff der Stell wörd g'macht.
Setzt ner a Wasser hie!
M.
Ja, wenn i ner ans hob'.
Fr.
Ka Wasser habt'r niet?
No, dös is schöi, Gottlob!
Dau kon i nir derfür!
Wou kröig' i's denn su her?
Wenn i ans hul'n will,
So zank'n S' ordinär.
Fr.
So hult's zo röchter Zeit!
Ihr wollt ner Abends fort,
Wou z' Nachts döi Wasch'n senn
Und Kerl' wart'n dort.
So macht ner, daß'r geiht!
Dreht euch a Wal no rum!