94 —
J hob' wuhl freili meini Jauh'r,
Wos ober, wos ligt dau denn droh?
J lauß' mi, trutz mein weiß'n Hau'r, —
Versteihst' mi, Brouder? — find'n no.—
Dau sitzt der Nachber, thout si b'sinna:
Der Ohtrog, mant er, der gieng' oh;
Es is halt ober viel mit drinna,
Des nit aff ihn allah kummt oh.
Mir, sagt er, g'fiel's; doch lauß' Der sog'n,
Es ligt jo doch nit ganz on mir;
Dau haust' mei Händ', in etli Tog'n
Bring' i die Antwort selber Dir
/
Daß s' diz no trink'n mitanander
A Glösla Wei, läßt si verstöih,
Su lang, daß Aner wöi der Ander
Koh nit su grod, wöi sunst'n, göih.
Diz läßt mer die Lisetta ruf'n, —
Dau git's öiz freili Cumplament'!
J glab', sei Herz, dös wörd 'n buff'n,
Ganz freundli küßt er ihr die Händ.
Sie is dergieg'n ah röcht freundli, —
Dös bringt scho dau der Wohlstand miet, —
Und mant, von Trink'n kummt's vermeintli,
Sunst wär' der Herr su freundli niet.
Und endli thout er si empfehl'n
Und sagt: Herr Brouder, mach's fei schöi!
Der sagt: Du dörfst Di wuhl nit quäl'n,
J glab', döi Sach wörd sicher göih.
Mer sagt in Sprichwurt, daß viel Bröider
Und wou no Schwestern senn derbei.