—
*
7*
— 60 —
Der Müller hand'lt, doch nit viel,
Su, daß er'n zohl'n thout.
In andern Tog, mer richt't a G'schörr
Und spannt'n fröih mit ei;
Er läßt su mit ihn umgöih no,
Könnt' ober besser sei.
In Zöig'n haut er ohfangs ner
A weng asu wos g'macht;
Mer haut si ober nix vermouth't
So haut mer's ah nit g'acht't.
/
Es nehmt halt immer örger zou,
dDiz zeigt si der Betrug:
Er läßt si fast nit g'schörr'n oh,
Er steiht und thout kan Zug;
Er schlöckt, er beißt, er haut und steigt.
Er reißet' Alles zamm.
No, sagt der Müller, su schickt An
Sei eigner G'vatter hamm.
Diz haut mer nauch'n G'vattern g'schickt,
Er kummt und sicht'n oh;
Er floucht halt ober Alles zamm,
Dau waß er nix dervoh.
So soll er sog'n, wos mer thout.
Und wos denn z'mach'n wär';
Dös sicht er jo öiz selber ei,
Dös is a Kollerer.
Er sagt: Herr G'vatter, wart' Er ner
Und hob' Er ner Geduld;
J hob' doch on den Gaul nirx g'spürt
Und hob', waß Gott! ka Schuld.