EOBANVS, NORIBERGA. 
1 
Quis sine nec fieri Caesar nec verus haberi 
Augustus poterit, si non insignia sumat 
Hinc sua. Caesareae namque est hic illa coronae 
Gloria, qua regni constat ius atque potestas 
Maxima Romani; namque hoc nunc more loquuntur. 
Haec quotiens alicui defertur tanta potestas, 
Hinc petitur, delata huc condicione refertur, 
O decus, o urbis pulcherrima gloria nostrae, 
Quae sola hanc meruit, quae nulli contigit urbi, 
970 Gloria perpetuis non interitura diebus! 
Q6R 
Xenodocheum ad divum Sebastianum. 
Atque ut praeteream duo xenodochea nec omnem 
Materiam, quaecumque offert se sponte, loquaci 
Carmine consecter, certe quod carmine dignum 
'fiija] Xenodochion erat longe hoc meliore canemus 
975 Planicie distante situm sub moenibus urbis 
Mille fere passus praeterlabentis ad amnem 
Pegnesi, sacrum divo, quem tela tyranni 
Confecisse ferunt magnum spernentis Iesum. 
Templum hic exiguum, sed cultum et denique multa 
Religione sacrum, iuxta domus aedibus amplis 
Quattuor in partes divisa, nec ordinis ullum 
Commodioris opus quemquam vidisse putarım: 
Tam. sunt porticibus astructa cubilia longis 
Ordine perpetuo sibi respondentia, quantum 
Quattuor in spatium patet area lata domorum. 
Totum opus aequali specie parte exstat ab omni 
Quadrato exstructum saxo, locus arte situque 
Pulcher et eximius nec quo sit amoenior alter. 
Huc, cum saevit atrox inimico sidere pestis 
990 Crebraque vulgati popularunt corpora morbi, 
Infecti lue pestifera tristique veneno 
Portantur, ne dira lues conleetior urbem 
QRA