EOBANVS, NORIBERGA.
Et liceat falso portarum nomine turres
Sicut Maeonidae nobis quoque dicere duplo:
Vincimus et nullo tegimus mendacia fuco.
Quid nova nune dicam surgentia moenia, quantae
Accrescant veteri moles, quae robora muro?
Magnorum videas, dicas opera esse gigantum
Cyclopum fabricata manu veteresque putabis
Hic iterum muris circumdare velle Mycenas.
265 Quid loquar aequatas valles montesque recisos
Translatosque alio tumulos, ne moenibus urbis
Obstarent damnoque forent, si perfidus hostis
Occupet ac tumulis protectior incubet urbi?
[ej] Quod fieri divina vetet clementia et ipsos
270 Hac hostes potius condemnet clade malorum!
„GN
Arx imperialis.
Diximus, occiduum qua parte urbs vergit ad axem,
Arcem clivosi super alto vertice montis
Esse sitam, positae quae desuper imminet urbi:
Vnde patet totos late prospectus in agros,
Qui iuxta circumque patent, silvasque patentes
Claudentesque plagam turritae more coronae,
Na igitur celsi surgens a vertice montis
Sidera celsa petit tectis caeloque minatur,
Alta domus regum, domus inclita Caesaris olim,
280 Cum placet et quotiens invisere Norica magnis
Moenia Caesaribus, namque et regaliter omni
Aedificata mödo est intus, foris haud ita cultu
Conspicienda parl, sed in atriı robore saxi
Impositum consistit opus firmumque vetusque.
»5 Non secus ac medio quae prominet aequore rupes
Despicit et ventos et rauca tonitrua caeli
Vi nulla concussa nec ulla mobilis arte:
Sic firmata suo stat robore Norica moles.
Lat. Litteraturdenkm. 12.