58 
Und döi Krönzla, Fannaweiha, 
Torner-, Schütz'n-, Sängerfest' 
und döi Ausflöig — zmoal in Summer — 
und döi Fetz'n-Räusch' af d' Letzt! 
Und nau haßt's, ka G'schäft'n genga, 
und ka Geld is unter d' Leut'. 
Ja, für'n Stoat und Lumpareia 
langt's, wöi's scheint, no ziemli weit. 
Is Rußla. 
A Windspiel und a Seid'npintscher, 
döi allzwös wohna in an Haus, 
döi mach'n kerzli an Spazöiergang 
um's Thur a weng zon Plerrer naus. 
Und wöi s' dort ba an Brunna stenna, 
kummt glei a Rußla af sie zou, 
a routher, mit 'ra schwarz'n Schnauz'n, 
und läßt dös Windspiel nit in Rouh.