148
— —
Doch ös Hauchwasser is a Macht! —
Sie möiss'n nu a ganza Nacht
In Kaffö dort aushalt'n. — —
No endli doch in andern Froih
Dau tout die Freiheit wink'n,
Wöi laut' döi Botschaft doch su schöi:
„Os Wasser is im Sink'n!“ —
Zon Würt sog'n s' nau mit Dank „adöo“
Und zo die Hausleut' im Raffsö,
A Roahn haut s' nau ahfg'numma.
Nau haut mer s' af'm Mark hieg'foahr'n,
Hint' 'rum durch's Hanssachsgäßla
Und jeda lafft, wöi s' ausg'stieg'n woar'n
On sei bestimmt's Adreßla:
Der Heina rennt zo seina Maus,
Der Andres zöigt sei Hüsla aus,
Der Ernst lernt glei 8s Schwimma.
Doch ganz ausg'hungert schaua s' aus,
All drei neig'fall'n die Back'n,
Zwa Cog hob'n' s' in den Kafföhaus
Vo Braud g'lebt und Potack'n! —
Doch senn s' ball wieder dicker wur'n
Und alli drei hob'n s' heili g'schwur'n:
„Nie meiher zon Hauchwasser!“
JGd