**
8
—
5
*
178 —
Su wos ober dörf mer sog'n,
Wöi si Männer rummerstreit'n
Und ba ihr'n Böierkroug
Alles wiss'n zou entscheid'n;
Und wöi Ani alli Tog'
Streit'n über Kröig und Fried'n,
Und es waß doch Kaner niet,
Wöi döi Sach no wörd entschied'n.
Und nau git's es wöi viel Leut',
Döi ka Mensch zo nix haut b'stellt,—
Alles woll'n s' g'scheiter mach'n, —
Ner halt dös, wos ihna g'sällt.
Alles wörd öiz schöi ba uns,
Schöiner als in alt'n Zeit'n,
Und doch mouß mer immerfort
Häiern dös Geklog von Leut'n.
Häit'n ner die Alt'n ah
Su a Zeit derlebt, wöi mir!
Denn öiz koh mer Alles g'winna,
Git an Bagatell derfür:
Bald a Landgout, bald a Kutsch'n.
Bald an Uhr und bald a Pfer,
All' döi Woar, döi koh mer g'winna, —
Döia halt, daß's treff'n, ner.
Haut mer denn vur Alters ah
Su verträuli g'lebt und gout?
Haut's denn sunst a Wörthshaus göb'n,
Wou ka Mensch nix ried'n thout?
Und wou haut mer denn mei Lebta
No su still und rouhi g'spielt?
Aner ner allah thout ried'n,
Wall sunst Alles Zahl'n ziehlt.
Denkt mer oft, in derer Stub'n
Wörd ka Mensch nit drinna sei,