80 
Ban Thornern dau is die Musik 
Zon eierst'n eikeih'rt, 
Wöi's roh von Himm'l g'stieg'n is, 
Dös hob ih oft scho g'häi'rt. 
Doch hoben mer kan Künstlerstolz, — 
Uns bläst a jeder gout, 
Und wenn er, wahl er sunst nix koh, 
Sei Supp'n blaus'n thout. 
Mer blauf'n öiz su vieli Jauh'r, 
Und 'shaut ka Mensch wos g'sagt, 
Als manchesmaul, dau haut a su 
A Fremder drüber g'lacht. 
Wöi schöi haut nit um Ahnsgetog 
Sunst unser Blaus'n klunga? 
Döi Triller senn in Leut'n jo 
Durch Mark a Bah fast drunga. 
Und nauch'n Goares umma ans: 
„Nun ruhen alle Wälder,“ — 
Es haut sih Alles droh derbaut, — 
„Vöich, Menschen, Städt' und Felder.“ — 
Ba unsern Blaus'n dau fällt ah 
An G'scheid'n 'swöi viel ei, 
Wau er in kan Conzert droh denkt, 
Sollt's noh su künstlih sei.