107
Wöi der zon allereirst'n maul
In dje neu' Köring kummt,
Und siecht, daß dau stuhkfinster is, —
Woi haut der Pfarrer brummt.
Von Lös'n is dau fei ka Ried, —
Ka Luchs häit dau wos g'lös'n:
Es senn in dera Köring niet
Meih'r als zwah Fenster g'wösn.
Die Bauern fraug'n nix dernauh,
Doi schreia doch unbändi,
Denn ihri Körcha⸗-Löider z'samm,
Doi könnes' jo auswendi.
Allah der Pfarrer, — wos thout der?
Der will sei Priedi lös'n,
Auswendi lerna will er niet,
Dau is er scho zʒ'faul g'wös'n.
Oiz nemmt er seini Bauern her,
Und bringt dös Ding suh rum,
Und sagt: „Ihr Leut, ih schreib' öiz gleih
„An's Konsistorium.“
„Und halt um meiher Fenster oh,
„Sie möchten's lauss'n mach'n;
„A Köring, ddi zwah Fenster haut,
„Mer mouß jo drüber lach'n.“