— 200 —
Infamer Gallingbraut'n!
Gerla: (Verzagt)
Ih kröig halt an Oachtzehner öitz,
Mir koh 's nit g'nau derrauth'n.
(Gerla eine Ohrfeige gebend)
Dau haust vo mir ah wos derzou!
Ditz sei awal mit z'fried'n.
Ih werd' scho mit Dein Master heunt
A Wörtla d'rüber ried'n. (ab)
Madlena:
3. Scene.
(Gerla, später Zwickl)
/
(Allein)
O weih', dös woar a horta Nuß.
Wenn mir mei Master moring
Vielleicht a suh a Trinkgöld git,
Nau mog ih nemmer horing!
Zwickl: (Zu Gerla, rasch und erregt.)
Wöi is'? Woar der Herr G'vatt'r dau?
Woarum steihst D' suh verleg'n,
Du haust doch thou wöi ih befohl'n
Und haust doch alles g'seg'n?
Gerla: (Schüchtern)
Ja Master! fünfmoal haut er ihr
Die Händ drückt unschinöiert.
Nau haut mih d'Masteri derkratscht
Und haut mih (Pantomine des Ohrfeigengebens
machend) honoröiert.
Zwickl: (Heftig)
Wöi, Du haust Dih derwisch'n laun?
Ih sollt' Dih gleih karbatsch'n!
Ih hoh doch deutli g'sagt, thou horch'n
Und lauß Dih nit derkratsch'n.