121
J könnt' es wöiviel sog'n no,
Wos no woar in den Zug,
Allah, nau wäret's goar su lang,
J man, für heunt is g'noug.
Kunst, Wiss'nschaft und Poesie,
Döi woar'n ah derbei,
Wöi G'stalt'n as'n Märlesland.
Senn zug'n döi verbei.
Schöi woar's, dös muß a Jeder sog'n,
Haut alli Mensch'n g'freut,
Ja wörd a Fest in Nörnberg g'macht,
Hernauch wörd's g'macht glei gsscheit.
Ergebung.
Wos möcht' der Mensch aff Erd'n niet,
Wenn er is jung und frisch,
A Göld, a Haus, a Pfer, viel Eih'r.
An eiwi deckt'n Tisch.
Doch, wenn er älter wer'n thout,
Haut g'schund'n si und plaugt,
Und haut kamaul es Glück ohklopft
Und nauch sein Wünschna g'fraugt.—
Dau lernt mer fei die B'schadn'heit
Und thout si resolvobiern
Und freut si, wenn mer ner is g'sund
Und koh die Glöider röihern.
—
—f
—
—