121 
Um Neuna sog' i zo der Frau, 
Ade, i geih' öiz aus, 
Wenn i z' Mittog nit kumma thou 
Nau macht ich fei nix draus. 
diz, aff der Gass'n, o du mei, 
Dös woar bald nimmer schöi—. 
Dau is mer ner su g'schub'n wur'n 
Dau braucht mer goar nit z'geih. 
No, endli, ban Kulturverei 
Find' i a Plätzla no, 
Wou mer wos sicht, denn vur mir steiht 
A ganzer klaner Moh. 
Dau steih' i öiz und wart' und schwitz' 
Und denk', wöi dös möißt sei, 
Wenn heunt', statt daß su wolki is, 
Wär' kloarer Sunnaschei. 
Diz häiert mer ober scho Musik, 
Und wörkli geiht's scho oh, 
Z'eirst Feuerwiehr, nau der Herr Raab 
Mit no Zwöi reit' vuroh. 
O Kreuz, öiz kummt Amerika, 
Döi foahr'n in Schös'na rum, 
Schau Aner ner döi Wäg'n oh 
Mit Blumma rummadum.