45 —
D'rum woar dei zweit Ahfloag unter
Scho in verzeh Monert braacht,
Doch es woarn Gedichta d'runter:
„Nirx für Kinder!“ wöi mer sagt.
Bo der Ahfloag Nummra dreier
LCouß' ih döi ohstöißin d'raus
Und gib's unter „Sauri Eier!“
Extra in an Béichla 'raus.
Mei „Gout g'launt“ woar bitz su reinli,
Daß kan Kind die Seel' ner krümmt,
Altern Herrn, döi nit su peinli,
Senn döi sauern Eier b'stimmt.
Ban Verkauf woar ih vull Eifer,
Daß nit kummt in jungi Händ',
hob döi Sauern Eier-Käufer
Affnotöiert, daß mer s' kennt.
Wéi sechs Monat scho verganga,
Woarn erscht fort dreihundert Stück,
Wos ih g'läist tout nu nit langa
Für die Rost'n, — övitz dös Glück!
Löb'n koh ka Mensch im Fried'n
Mog der bäisi Nachbar nit
Und der Neid haut's nemma g'liet'n,
Denn ih wäret z'reich dau mit;
Ih hob Tausendmarkbanknot'n
G'schaf'lt grod in Göldschrank nei,
Dau kummt in mein Drechslerlod'n
Fröih a Moh ah zo mir nei.