127
Der Schouster lafft vur Schreck'n
Dervoh a ganz allah,
Der Schneider zöigt zon V'reck'n
On den sein recht'n Bah,
Af ahmoal tout's an Kracher
Woi er su dreht und wend',
Dau hölt er mit an Lacher
Den Stief'l in der Hend'!
sJ
Steckt ah nu bis zon Knöckla
Fest g'frur'n der Fouß dau d'rinn
Fiehrt's unser'n Schneidersböckla
Trotzdem glei durch'n Sinn:
„Is su ba den ahn ganga,
Nau gäith's ban andern ah!“
Und haut ös Sdig'n ohg'fanga
On den sein link'n Bah.
Wal durch sur lang's Geknief'l
Doch alles nauchgöb'n mouß,
Bringt er ah 'roh den Stief',
D'rin steckt der linki Fouß.
Nau macht er nit lang Far'n,
Nehmt af die Achs'l hauch
Die Stief'l zisammt die Hax'n
Und rennt den Schouster nauch.
Der tout af d' Seit'n hupf'n:
„Die Söiß senn 'neig'frur'n, wos,
Und Du willst a 'neischlupf'n?
OMO Du Rinnozeros!“ — —