62 — 
Dös haßt die Kunst doch ober übertreib'n: 
Der hatzt und leucht't derzou. 
Dös glab' i ah, dös senn die allerbest'n, 
Der hatzt und wärmt zon Löicht. 
Ach, wenn's doch ner scho alli Mensch'n wößt'n, 
Wer s' macht und wou mer s' kröigt! 
Die Stub'n hell und doch derbei ah woarm, 
In Rouß verkafft mer glei; 
Wer su an haut, öiz sei er no su oarm, 
Den macht sei Uf'n reich. 
Dös waß mer scho, die alt'n taug'n nimmer 
Wer göb' An Hulz genoug? 
Es git scho ah, döi hatz'n ah nit schlimmer, 
Als aner in an Bouch. 
Der Belfer. 
* 
* 
O bester Freund, wöi geiht's dein Grüb'l! 
J wollt' niet, daß d' 'n seha thöt'st! 
Der haut an Gang, es wür' der üb'l; 
Su krumm bin i no kamaul g'wöst. 
Mi haut a Gaul derbeiß'n woll'n, 
Und haut doch g'hat an Maulkorb oh; 
J häit' mi wuhl nit förcht'n soll'n, — 
Wer denkt denn glei in Schreck'n droh. 
Hiz will i g'schwink su z'ruckwärts springa. 
Und koh döi alt'n Hächs'n nau 
Nit g'schwink g'noug aßanander bringa, 
Stracks lieg' i aff'n Pflaster dau.