— 
— 
— 
— 262 — 
Wenn i ner denen röcht bin all'n, 
Döi alli wos bezohl'n droh. 
Dös senn öiz mir, und woll'n schaua, 
Wos's mit der Zeit no göb'n koh. 
Mer wörd wuhl künfti meih'r baua, 
Su wöi mer all' nit zweif'ln droh; 
Nau woll'n mer dös scho ah derziehl'n. 
Wos Manch'n no koh fall'n ei, 
Und welcha, döi nau von su viel'n 
Döi allerschöinst, wörd drunter sei. 
Ihr Pump'n ober all', ihr neua' 
Diz, wenn ihr mant, streit't umma Rang! 
Thät't's niet, in Alter könnt's euch reuga; 
Vielleicht währt all' der Staat nit lang. 
Es geiht fast su in all'n Stück'n, 
Die Zeit vergißt jo Alles gleich, — 
Könnt' sei, ihr braucht in Alter 's Flick'n, 
Dau denkt amaul ka Mensch on euch. 
Und endli no mir alt'n Brunna, 
Mir soll'n dau su off'n stöih? 
Ihr habt doch gouti Herz'n g'funna, 
Wöi ober wörd's wuhl uns no göih? 
Wär' manches Unglück unterblieb'n, 
Wenn mir nit göb'n G'leg'nheit; 
Wüßt' Mancher, wos mit uns wörd trieb'n, 
Er ließ' sei Wasser hul'n weit. 
Es git jo doch no meih'r Strauß'n, 
Wou mit an Göld no wohna Leut', 
Döi Pump'n könna mach'n lauß'n, — 
Vielleicht kummt on uns ah döi Zeit;