—
*
*
—
— 64 —
Wer wos verlöckt und z'weng haut g'hat, —
Oft eih er no haut g'soucht, —
Dau is der Jung droh schuldi g'wöst,
Und haut mer aff ihn g'floucht.
Wer wos in Haus verseha haut,
Und wos si ner ereig't,
Dös haut mer goar nit anderst g'wüßt,
Haut's aff'n Junga zeigt.
Bald haut der Herr und bald a G'sell
Fast tägli mit ihn zankt;
Doch wall er's g'wohnt und dumm is g'wöst,
Sunst wär' er längst derkrankt.
*
/
Amaul su nauch'n Ess'n z'Nachts,
Su eih mer geiht in's Bett,
Dau hob'n die drei G'sell'n no
Von allerhand su g'red't.
Sagt aner: No, so wart't ner goar,
Es wörd su lang nit sei,
Wenn unser Frau in's Kindbett kummt,
Nau kröig'n mer all an Wei.
Wöi? sagt der Jung, in's Kindbett kummt s'?
Dau waß i nirx dervoh.
Diz fanga die drei G'sell'n dau
Erbärmli z'lach'n oh.
Dau wörd in Junga drüber angst;
Su, denkt er, dös wär' schöi!
Dös wenn mer öiz aff mih ah zeigt,
Dau wörd's mer saber göihl!