6 — 
Wenn i no länger 's Löb'n hob', 
Und wenn i g'sund su bleib', 
Und wenn mer's länger lös'n mog, 
So waß i, daß i schreib'. 
Es wörd si scho wos finna no, 
Es git jo Zeug's *) genoug, 
Wou Aner öiz, mit leichter Möih, 
Könnt' schreib'n manches Bouch. 
Dau wer' i scho wos find'n nau, 
Um dös is mir nit bang; 
J hob' jo no ka Zeit nit b'stimmt, 
Und sog' jo nit, wöi lang. 
Wenn i amaul wos ferti hob', 
J stell' mi scho mit ei; 
Es wörd jo dös a Gottwuhl dau 
Des letzter no nit sei! 
Und bdiz on Schluß empfehl i mi 
Und dös dritt' Bändla ah 
On alli meini gout'n Freund', 
Als wöi die andern zwa. 
Könnt' sei, daß Aner sog'n thöt': 
Stünd' ner dös Ding nit drinn: 
Den will i's scho beweis'n nau. 
Daß i nit Schuld droh bin.— 
*) hierfür: Stoff zur dichterischen Bearbeitung.