28 — 
Der Amtma sagt: No, wartet ner; 
Verlaßt Euch sicher draf, , 
J geih', vielleicht die nächst'n Tog' 
In's Wörthshaus selber naf. 
J will scho mit ihn ried'n, ih, 
Su, wöi er's nit vermouth't; 
Der Kerl, i siech's selber ei, 
Versaft no Hob und Gout. 
Und wöi er's g'sagt haut, kummt er ah 
In's Wörthshaus Abends nei, 
Und schreit: Kopp höi? 
Bauer. 
Herr Amtma, ja! 
Wos woll'n S'? wos soll's sei? 
Amtmann. 
Geiht her und laußt Euch fraug'n wos. 
Und öiza kummt er vür; 
Diz geiht der Amtma wider z'ruck 
Und mit ihn vur die Thür. 
Amtmann. 
So seid'r halt scho wider dau? 
Bauer. 
Goa, ober no nit lang. 
Amtmann. 
Ja, ober häiert, sagt mer ner. 
Wos i mit Euch ohfang'? 
Bauer. 
Worum, Herr Amtma? no, worum? 
Amtmann. 
Worum? dau fraugt Ihr no? 
Mer mog jo kumma, wenn mer will 
So trifft mer Euch dau oh.