ENGENTINVS, FRIBVRGICA.
n
ne
1.)
Curque id candenti lumine Phoebus agat
[c2a] Et quare oceano tellus compressa patenti
Instar librato pondere fixa globi
Nataque diffuso pandunt animantia mundo
330 Naturae arcani turba verenda duces.
Sunt qui sphaerarum motus et sidera signent
Et superas caelo candidiore plagas.
‘\Juos fovet Vrania praesens passimque ministrat
Siderei stellas noscere quasque poli.
Explanant tabulis, quae continet ipsa mathesis,
Vt possint Siculum vel superare senem.
uidpote vis ultra? Cantantis forte poetae
In numerum poni laurea serta cupis.
Pinguia florentes et habent stipendia Musae,
Has etenim sedes dexter Apollo colit.
Quid fontes sacri nemorum, quid flumina quidve
Tot virides horti, pascua totque loci,
Si non Pierides, magnorum numina vatum,
Hic agerent pariles sorte favente choros?
345 Si placeat, subito turbam depelle novenam:
Arescunt fontes, flumina, stagna, lacus;
Quin etiam frondes agitataque robora vento
Totaque quidquid alit fertile silva cadit,
[c2b)] Has Dryades florumque deae venerantur honore,
350 Naiades has passim Nereidesque colunt,
Vtque ego Apollineis fidibus plectroque sonanti
Haec canerem, astantes exhibuere lyram.
Et cecini, neque enim placuit subducere frontem,
Suscepitque ratem plenior aura meam.
355 Aequoreos nec adhuc sulcantibus ancora fluctus
Figitur: in portum vela secunda vehant!
Spectantes Elycen ‚et lucida sidera mundi
Tutius adsueta sorte vehemur aquis.
Stat domus intra urbem sublimibus alta columnis,
Quam vel suspiceret Daedalus ipse faber.