EOBANVS, NORIBERGA. 
17 
ÖOffiecinae ferrariae. 
Si gens praecipuo laudata est Norica ferro 
Semper et hoc veterum testantur scripta virorum, 
Quid mirum, si qui populus sit origine avita 
Noricus, ut fama est, patriae memor antiquai 
Ferrum amet et ferri laudem sibi vindicet uni 
Tractandi per mille modos ac mille per artes? 
In ferrum gens nata, piae seu commoda pacis, 
Seu gerat insani furiosa negotia Martis. 
Nam modo quis populus Vulcania doctius arma 
Aut melius facit aut meliora aut plura per omnes 
Qua patet Europae latissima regia terras? 
Hrgo super fluvium, quaque infra deserit ‚urbem, 
Quaque supra petit inlabens, pro summa domando 
'giiija] Complures posuere domos miracula ferro. 
1165 Namque quis aspiciens, quanta se mole rotarum 
Volvat opus, quanta ferrum vi distrahat, ut sit 
Perfectum ingenio, jam possit ut unus et alter, 
Quod non mille viri poterant nondum arte reperta : 
Ista videns quis non miretur et omnia retro 
Saecula desidiae damnet, qui talia nunquam 
Cognorint nostrorum hominum praeclara reperta? 
Magna rota ingentem vi fluminis acta cylindrum 
Fert secum volvitque rotans, pars ultima cuius 
Dentibus armata est crebris, qui fortiter acti 
Obstantes sibi machinulas rapiuntque feruntque, 
Ni‘ rapiant remoraturos ipsosque rotamque 
Vndasque gravidumque ingenti mole cylindrum. 
Ergo ubi vi tanta correpta est, machina pendens 
Inferius molem supra movet ocius omnem 
Instrumenta regens, quibus atrı lamina ferri 
Scinditur et varios rerum tenuatur in usus 
Nunc has nunc alias aptissima sumere formas, 
Vi nempe indomita iussu parere coacta. 
Ferrea nam videas capita adsimulata dracones 
1160 
1170 
1175 
1120