59 — 
Die beiden Dicken. 
Amaul dau senn zwöi Herren g'wöst, 
Su dick und fett wöi döi, 
Dös sagt a Jedes, — „sotti Bäuch, 
„Wöi dbdi, haut kahner höi.“ 
Als gouti Freund, dau hob'ns' oft 
Anander miet vexöi'rt: 
Der Dickst haut kahner wollen sei, 
Nau hob'ns' dischpatöi'rt. 
Und Wörtlafuchser senn's ah g'wöst: 
Haut sih der ah verred't, 
Su lacht der ander, — ober der, 
Der machts bald wieder wett'. 
Ihr Dokter sagt: „Dös Ding is nir, 
„Sie möiß'n meiher lahf'n, — 
„Um d'Stadt rum, und dös alli Tog 
„Wenns' ah a Bißla schnahf'n.“ 
„Es is doch besser, als wenns' goar 
„In ihren Fett derstick'n, — 
„Dos senn jo Bäuch, und fetz'n Köpf', 
„Staugt nix a sotta Dick'n.“