36 
Su frisch und g'sund haut s' dösmoal g'sehg'n, 
sie haut ganz g'stroahlt vur Freud', 
ja su a Dokter, der vertreibt 
goar bal die Traurigkeit. 
Die billige Waare. 
A Köchi steiht won vur an Lod'n 
und schaut döi wollin Strümpf zamm oh, 
döi dort in dera Ausloag hänga 
und denkt, häitt' ih a Poar dervoh. 
Wenn ih a strick, döi kumma theurer; 
meinad, ih kaf mer gleih a Poar, 
dau kosten wollni ner fufz'k Pfenni, 
döi wern scho halt'n no dös Jauh'r. 
Sie kaft si ah und thout's glei trog'n. 
doch wöi si's Oabends runter thout. 
dau sicht's daß vorna ba die Zeiha 
a jeder a Mords-Luch scho haut.