134 
M. 
Es wörd jo bald Mittog; 
Und öiz wos koch' i denn? 
Fr. 
Mir brauch'n heunt nit viel, 
Wall mir allah ner senn. 
M. 
No, wiss'n mouß i's doch: 
Wos woll'n S' denn z' Mittog?: 
Fr. 
Koh sei, daß i vur Zurn 
Vielleicht nix ess'n mog. 
J gib den Braut'n her, 
Dau drüber macht a-Bröih; 
Sunst braucht mer weiter nix, 
Is jo mei Moh nit höi. 
A Supp'n macht derzou, 
Döi gilt mir ober gleich, 
Denn ih brauch' kana niet, 
Macht ana ner vur euch. — 
Waß niet, — verzeih' mer's Gott! — 
Wöi doch dös zougöih mouß, 
Sicht nit döi Kuch'n aus 
Su vuler Stab und Rouß. 
M. 
Dau kon i nirx derfür, 
Wall halt der Schlaut nit zöigt, 
Und wenn die Woar a Haut 
Nau von den Rauch dau kröigt. 
Fr. 
Es haut s' jo sunst nit g'hat, 
Und öiza thout's der Rauch? 
Is dös a ohg'schmogs G'ried, 
Dau thout An weih der Bauch.