mal u
EOBANVS, NORIBERGA.,
Namque nec immensis horrendos cornibus uros
Nec stupidas gignit praelongis cruribus alces,
Qualia Sarmaticae pascunt animalia silvae
Olim etiam nostras non ignorata per Oras,
510 Dum magis incultis Germania saltibus esset
Horrida, quae proprio nunc est ita splendida cultu,
raijp] Vt nulli possit terrarum cedere, verum
Cuilibet aequari, quaecumque sic urbibus amplis
Praedita et uberibus cultissima floreat agris.
Sunt tamen et nemora et saltus, est plurima Ssilvae
Copia venantum studiis accommoda nec dum
Arboribus nudi montes ingentibus omnes,
Vnde sit innumeris vis prodiga materiei
Vsibus, et nostrae ne ea desit gloria genti,
520 Quam vacui nunquam praestarent iugera campl.
Talis et haec, euius nobis nunc maxima silvae
Vtilitas memoranda fuit, quae Norica circum
Moenia prospiciens simul amplis fructibus urbem
Adficit et multa, si qua est ea gloria, ditat
525 Dote voluptatum. Quae cum sit honesta voluptas.
Non spernenda fuit, ratio sed maxima honestae
Vtilitatis erat, cuius si carmine dici
Haudquaquam simplex facies potuisset in ullo,
Hoc etiam mihi dicta foret. Nunc commoda praestat
Plura brevi quam quis.possit comprehendere versu
Materia quodeumque ad opus, quacumque redundans,
Semper inexhausto frondescens germine, quamvis
Innumeras lasset tot saecula caesa secures.
Quod genus hoc, Musae? Ratio quae? Quasve per artes
Silva nec immunis nec maxima durat et omnes
Viribus ipsa suis velut aemula crescit in annos?
Gens nemorum studiosa suas Germania silvas
[diija1 Ipsa serit cogitque novo pubescere fetu:
Cum vel harena siti sterilis confecit iniqua
540 Vel labor exeidit diuturnus et arıda facta est