26 
Wou zou denn, Mußi Görla? 
Du bist g'wiß nit wuhl af? 
Ach Gott! du arm's Närrla, 
Geih ner a bißla raf. 
Er schüttelt mit der Platten, 
Als wenn er zörna thät 
Und schleicht als wöi a Schatten, 
Der Mensch iß ganz verdröht. 
Horch Görla! mach kann Simpel! 
Dau geih gleih raf zou mir. 
Wos bist denn für a Gimpel? 
Und machst dös dumm Gezier? 
Noh, endlich thount er kumma 
Wart öiza kröigst deih Fett; 
Ih will dih schöi ohbrumma 
Un a noh waschen nett. 
Zweite Sceene. 
(GRosel, Görla tritt ein.) 
Rosel. 
Wos haust denn, Batzenlippel? 
Daß't su die Mumpfel hängst, 
Du ganz verschniedner Zwickel, 
Oeiz sog mir gleih, wos denkst? 
Görla. 
Wos ih denk, dös sollst wissen, 
Dös iß, wos mir nit g'fällt;