568 
Danksagung au Herrn G. D ..... für 
eine mir während meiner Krankheit zum 
Vräsent gemachte Flasche Wein. 
Mei Pegasus, der is an Aus, 
Der will's öiz nimmer leid'n, 
Daß i, seit mi die Kranket plaugt, 
Wöi sunst thou aff ihn reit'n. 
Kam, daß i ner on Büg'l kumm', 
Nau steigt und schlöckt er scho, 
Und mit die Flüg'l wäch'lt er. 
Daß mer'n kam halt'n koh. 
Und wenn i endli drub'n hock' 
Und sog': „Hopp, hopp, öiz flöig“, 
Nau bleit er aff der Landstrauß' steih'. 
Er mog halt nit. dös Vöich. 
Den Kerl wenn i derkratsch'n thou, 
Der'na verdurb'n haut, 
Su lang i kronk woar, meiner Seil', 
J glab', den schlüg' i taudt. 
J waß scho ohng'fähr, wer er is, 
J könnt' sein Noma sog'n, 
Er haut su langi Lock'n oh 
Und an papböierna Kroa'n.