— 144 — 
iz kummt die Käufli und der Schreiber, 
Und denen, glab' i, daß er schmeckt, — 
Die Oerb'n all' und ihri Weiber; 
Dau is die Fraug, ob's Foß öiz kleckt ?*) 
Fröih haut mer glei an Kaffee trunk'n; 
Haut ober su goar lang nit g'währt, 
Haut scho a Herr der Köchi g'wunk'n, 
Und haut a Fläschla Wei begehrt. 
Des Madla waß die Oart zon löb'n, 
Schenkt ei, geiht rum und fraugt: wer mog? 
Nit Aner haut zor Antwort göb'n: 
Wer wörd scho trink'n Vurmittog? 
/ 
diz wörd mer glei die Brautwörst' bringa, 
Dau ober schmeckt a Glösla draf: 
Rer öiza g'schwink, vur all'n Dinga, 
A Stücka zwölf Botell'n raf!' 
Ban Ess'n, no, dös läßt sie denk'n, 
Dau haut mer nau scho besser Zeit, 
Dau koh nau Jedes röcht eischenk'n; 
Mer haut jo nit in Köler weit. 
Su geiht die Thaling schöi von Statt'n: 
Eih no des Ess'n is verbei, 
haut Jedes fast an Brummer g'hatt'n; 
Und nauch'n Ess'n geiht's aff's neu'. 
Su is der eierst Tog verganga, 
Röcht schöi, su hob'n s' alli g'sagt. 
Wöi wörd mer's morring wuhl ohfanga? 
Mer macht's halt, wöi mer's heunt haut g'macht. 
Su haut's no goar ka Freundschaft göb'n; 
Dau herrscht jo nix als Anigkeit. 
*)ausreicht.