— 167 
Die Frau. 
Du lachst halt über Alles, du, 
Es mog ah sei, wos's will. 
Der Mann. 
No, Narr, wennst' mir nit folg'n willst, 
So b'halt's und schweig' nau still. 
J wollt', i häit' an Kast'n vnh! 
Die Frau. 
Wos wollt'st denn miet thou, du? 
Der Mann. 
J häit' doch meih'r, als wöi öiz, 
Wär' reicher, als asu. 
Die Frau. 
Und wennst' dernau wos kaf'n wollt'st, 
So lafest' halt mit rum. 
Der Mann. 
J göbet' um an Batz'n an, 
Dau raffet'n s' scho drum. 
Die Frau. 
O schweig'! Geih' hie und häier' ner, 
Wos alli Leut' heunt sog'n, 
Und wer an offna Nahring haut, 
Wöi döi erbärmli klog'n! 
Wenn Mancher viel fer vul haut kröigt, 
Und öiz aff ahmaul su! 
J möcht' di schreia häiern, dih, 
Wöist' eppet flouchest du! 
Der Mann. 
Jglab' wuhl, daß's die Lent' verdröißt; 
Dau ligt halt ner nix droh.