** 
3 
* 
90 — 
J hob' no sunst'n kans bewundert, 
Drum lub' i ah sunst kans, als meins 
J thou's wuhl zwoar nit selber mach'n, 
Kam waß i, wou mer's kröigt, röcht, wou: 
On wengst'n kenn' i goar döi Sach'n, 
Döi daß mer alli braucht derzou. 
Niet, daß i's ober su will preis'n, 
Daß's eppet glei a Jedes kafft, — 
Es könnt'n si die Leut' drum reiß'n, 
Und wür' vielleicht no goar drum g'rafft. 
Doch ober kon i's nit verschweig'n, 
Wöi wuhl daß An des Pflaster thout; 
Wer's braucht, der wörd's mit mir bezeug'n 
Wörd sog'n, 's is verzweif'lt gout. 
Wenn Aner wos in G'nick sollt' leid'n, 
Haut Schmerz'n, döi nit z'halt'n senn, 
Und koh nit lieg'n aff der Seit'n, — 
Natürli, no, wou ligt er denn? — 
Den ober rauth' i mit Entzück'n 
Ner g'schwink mei prächtis Pflaster oh, 
Ner daß er doch nau aff'n Rück'n 
Ah ka Minut'n lieg'n koh. 
Hob' nit denkt, daß i's wer' derlöb'n, 
Daß's su geiht aff mein Buck'l zou: 
Drum hob' i's kan Saldot'n göb'n, 
Hob' denkt, so bleibt doch der in Rouh. 
Dös will i öiz nit theuer kaf'n, 
Wos von den dreien besser schmeckt: 
Steigbüg'lrötma, Gass'nlaf'n“), 
Oder — dös Pflaster überg'löckt. 
* Ehemalige Soldatenstrafen.