A 
J möcht' wiss'n, wenn er kummt, 
Ob sei Soarg wörd rei mitg'foahr'n, 
Oder ob er'n on der Boh 
Läßt als Kuffer afbewoahr'n. 
Diz, meintwög'n, läßt er'n drauß' 
Oder thout er'n rei mitnehma, 
dös wörd mer scho sög'n nau, 
Dau thou i mi nit d'rum gräma. 
Ans no möcht' i wiss'n gern, 
Und dös koh mer Kaner sog'n, 
Wörd er, wenn er reizöigt höi 
Wuhl sei gelba Reitjack' trog'n? 
Dös und alles Ander no 
Wer'n mer jo bald sög'n könna, 
Jessas, wer'n dau die Boub'n 
Hinter den Chines'n renna. 
Ober, daß er kummt zu uns. 
Dös thout mih von Herz'n freua, 
Drum, „Willkumma, Li-Hung-Tschang!“ 
Und lauß der die Ras' nit reua— 
Nachschrift. 
Su hob g'sunga ih mei Löid, 
Diz steiht in der Zeiting drinna, 
Daß der Li-Hung-Tschang nit mog, 
Möiß'n mer uns halt ah d'reifinna.