BVSCHIVS, LIPSICA.,
QQ
Et quoscumque ferit vaga Thetidis unda lapillos
Quosque tumens Indus, clarus quos fundit Hydaspes
Et quos Aethiopum mittunt Lybiaeque coloni
Quotque Ichnusiacis Siculisque leguntur in oris
Impiger huc alio transfert mercator ab orbe.
Hic tibi monstrantur, Phidiae quae credere possis
Marmora; si pictas mavis spectare tabellas,
Hic est quae Coum vincat pietura magistrum,
Hic et felices iactant sua tura Sabaei,
Hic Cilices et fila croci, sua balsama molles
Hic redolent venduntque Syri; nunc messis amomi,
Nunc casiae non parca seges, nunc eynnama larga
Caucaseumque piper, Pharii nunc vimina costi
Surgunt, et grato nares remorantur odore.
355 Hic Nomadum nec cessat ebur nec barbara citrus,
[Cijp] Myrrhina nec cupidis hie nec erystallina desunt
Nec calices, quos Nilus amat; percurrere sed quis
Cuncta potest? Hic est procerum quod cura ducumque
Non fugiat, quod fortis eques, quod splendidus et quod
Luxuriosus emat nec non quo pauperis usus
Indigeat mystesque pius quod vendicet aere
Et redimat quod turba suo studiosa, decorus
Hic est quod iuvenis petat et virguncula gestet
Et matrona decens, hie quod tellure marique
Prosit et humanos iuvet excipiatque labores.
Nunec ad postremum decus et quo nomine claros
Lips adit ipsa polos atque aethera vertice pulsat
Appropero: sileant Eurus Nabataeaque regna
Secreto de fonte viros phialaque bibentes
Tantalea, gentes longaevos gymnosophistas
Aethiopum taceant, pudeat te magne tuorum
Nile sacerdotum, nec doctos Persia ijactet
Vnquam elata magos, Druidas et Gallia clauso
Ore premat tandem! . .
375 Quidauid Sole Rhodus celebrata et moenia magnı
260